Somanchi Sridevi

మనం మళ్లీ కలుసుకునే సందర్భం రాకూడదని ఆశిస్తున్నాను. నాకు తెలిసిన అందమైన జీవితంగల తేజా చనిపోయాడు. ఈ వికృతమైన మనిషి వునికి కూడా నేను సహించలేను.

“ఎదురు చూడనా?” అడిగాడు.
“అదికూడా చెప్పలేను. అంతా అనిశ్చితి”

సుమిత్ర నిశ్చేష్టురాలై కూర్చుంది. అతన్నించీ పెళ్ళి ప్రతిపాదన మళ్ళీ వస్తుందని తెలుసు. ఇప్పటికే చాలాసార్లు అడిగాడు. ఇప్పుడు ఇంత త్వరగా, ఇంత ఇంపాక్ట్‌తో అనుకోలేదు.

తేజాని ఉంచిన జైలు చేరుకోవటానికి దాదాపు రెండు గంటలు పట్టింది. రాజశేఖరం చెప్పినచోట లేడు. నాలుగైదుచోట్ల తిరిగితేగానీ ఆచూకీ తెలీలేదు.

“ఏమ్మా, బావున్నావా? అమ్మా, చెల్లెళ్ళూ బావున్నారా?” పొడిగా అడిగింది. అందులో ఆర్తి లేదు. పరాయిపిల్లని పలకరించినట్టుందంతే.